FORMULACIÓN

http://www.juanjoeldefisica.com/FYQ/simboloselem/simbmet.htm

ORIGAMI E XEOMETRÍA

Xa sabedes que as Matemáticas aparecen en todos os sitios, tamén cando facemos papiroflexia, en concreto, a papiroflexia modular, pezas iguais que se encaixan unhas noutras para crear poliedros de moi diversos tipos. A simetría e a proporcionalidade tamén se poden estudiar utilizando este tipo de origami.

Papiroflexia Pino M Anso 2010

.

O módulo mais coñecido é o módulo SONOBE, moi sinxelo de facer e que ten moitas posibilidades.





Neste vídeo pode verse como se fai para montar o cubo con seis Sonobes, e unha idea de como se poden obter novas pezas.



Por último, como facer o octaedro estrelado, utilizando unha pequena variación do Sonobe anterior, este módulo ten a ventaxa de que ao facer a peza non se desmonta facilmente

REPASO DOS TEMAS DA 1ª AVALIACIÓN. 1º BAC CCNN

Tal e como quedamos o último día de clase, vouvos subir ao Blog unha colección de exercicios de repaso para que poidades preparar a recuperación que imos facer a volta das vacacións do Nadal.
Empezarei por poñervos uns enlaces da páxina vitutor.net. Algúns de vos sodes uns expertos nesta páxina, ten de todo un pouco e pode servos de utilidade para repasar.

Radicais e logaritmos. Exercicios do 3 ao 9

Nº reais. Exercicios do 3 ao 9

Factorización de polinomios, utilizando distintas técnicas

Operación sinxelas con fraccións alxebraicas

Ecuacións exponeciais e logaritmicas. Neste enlace tedes aceso a moitos exercicios

Será certo o que pensa a muller do chiste de Forges?.

INTERPRETACIÓN GRÁFICAS DOS SISTEMAS DE ECUACIÓNS LINEAIS CON DÚAS INCÓGNITAS

O traballo que vos propoño: ELABORAR UN INFORME SOBRE A RESOLUCIÓN GRÁFICA DE SISTEMAS DE ECUACIÓNS LINEAIS CON DÚAS INCÓGNITAS non é conceptualmente difícil , o obxectivo é que sexades capaces de elaboralo con rigor e precisión. Tedes un pequeno guión que vos axude a ordear as ideas.

Recordade que os grupos deben estar formados por dúas ou tres persoas.

Data límite de entrega: 26 de novembro.

Para facer representacións de funcións hai moitas ferramentas, hoxe fixarémonos nun programa de distribución GNU (Licenza Pública Xeral) totalmente gratuíto e con posibilidades de accede e modificar o código fonte, denomínase GRAFH, pódese descargar libremente dende ESTA PÁXINA WEB

Sempre que vos sexa posible utilizade este tipo de programas, xa que desta forma estamos poñendo en valor o traballo altruísta de moita xente. Ademais neste momento existen programas moi diversos de moi boa calidade

Déixovos tamén unha presentacións electrónica que vos pode dar ideas de cómo facelo:

GUIÓN:

1. Introdución
2. Definición de sistemas de ecs lineais con dúas incógnitas
3. Clasificación dos sistemas atendendo ao número de solucións
4. Representación gráfica dunha ecuación lineal con dúas incógnitas ax+by=c
5. Representación gráfica dos sistemas de dúas incógnitas
6. Relación entre a solución gráfica dun sistema de ecuacións e a súa clasificación. Exemplos.
7. Condicións que deben cumprir as ecuacións dun sistema en función das solucións do sistema
8. Referencias e bibliografía

LOGARITMOS

A petición do voso compañeiro Hugo, deixovos unha presentación realizada polo profesor Héctor Espinosa Fernández (Trujillo-Perú) onde aparece a definición e as propiedades dos logaritmos.



Tedes ademais estos videos, onde explican algunhas aplicacións dos logaritmos. Prestade atención ao vídeo sobre logaritmos decimais e neperianos. Tamén é moi interesante o exercico que aparece neste.

(via CIBERMATEX)
Por último, uns exercicios para que practiquedes

A CALCULADORA ON LINE WIRIS

Ao longo deste curso presentareivos varias ferramentas da rede, que vos facilitarán o traballo.

A primeira delas é unha calculadora on line denominada: WIRIS, aínda que non realiza cálculos moi difíciles, permítevos facer todas as contas que poidades ter ao longo do Bacharelato e a ESO.

Seu uso é moi sinxelo, a pesar diso aquí tedes varios vídeos e un manual que vos pode axudar a usala.

POTENCIAS DE 10

En 1.977, Charles y Ray Eames fixeron unha película de nove minutos titulada 'Potencias de Diez' -Powers of Ten “, que fala da medida e da distancia. Baseada nesa idea xurdiron moitas películas e presentacións parecidas.
A páxina Web http://www.powersof10.com/ é unha páxina adicada as potencias de 10, a través dela podese ver a película orixinal, o único que tes que facer é rexistrate.
O vídeo que vos deixo ten a imaxe orixinal da película pero o audio está traducido